බාහුබලී ගොඩගියේ CGI නිසාද?




කොලිවුඩය, බොලිවුඩය අතික්‍රමණය කරමින් හොලිවුඩය පවා දෙදරවූ ටොලිවුඩයේ මහා වීර කාව්‍යය, බාහුබලීගේ දෙවන ආගමනය...



තෙළිඟු පුරවරයෙන් ලොවට පිදෙන ප්‍රථම 4K High Definition format ඉන්දියානු චිත්‍රපටය විදිහට, බාහුබලී ගොඩ ගියේ විශේෂ දෘශ්‍ය ප්‍රයෝග භාවිතාය ආශ්‍රයෙන් සිනමා තිරය මත ගොඩනංවන්නට සමත් වූ අතිශය දැවැන්ත බව පමණක්ම නිසාද? දවස් තුනෙන් කෝටි 5ක් උපයාගත් රහස නිර්මාණයේ සුවිසල් බව පමණක්මද? ඒ ගැනත් කතා කරමු.





අධ්‍යක්ෂක SS Rajamouli විසින් මෙහි මුල් කොටස, එනම් Baahubali: The Beginning ගැන අදහස මුල් වරට ක්‍රියාවට නංවද්දී ඔහුගේ අරමුණ වුනේ ජාත්‍යන්තරය ජයගන්න එක. ඉන්දියාවෙන් එපිටට විහිදුන ප්‍රේක්ෂක ආකර්ශනයක් ලබා ගැනීමට ඔහු අදහස් කරා. ඒ වගේම එය අතිසාර්ථක වුනා. ඒ වගේම ඉන්දියාව තුලදීත් සියලුම භාෂාවන් සහ සංස්කෘතීන් වශයෙන් බෙදී සිටි සියල්ලන්ම එකවර මේ වීර කාව්‍යය රසවින්දා. දෙවන කොටස වෙනුවෙන් අතිමහත් උද්යෝගයකින් නොඉවසිල්ලකින් මඟ බලන් සිටියා. ලංකාවේ තත්ත්වයත් ඊට නොදෙවෙනි වුනේ නැහැ. චිත්‍රපටයක මුල් කොටසකින් පිරිනමන්නට හැකි Remarkableම climax එකක් තමයි මුල් කොටසින් දකින්න ලැබුනේ. මුල්ම වරට සිනමාශාලාවක නරඹන සෑම ප්‍රේක්ෂකයෙක්ම අන්දමන්ද කරවන්නට සමත් වුනා. එතනදි බලපෑවේ Storytelling රටාවෙහි පැවති නිර්මාණශීලීත්වය මිසක් CGI (computer-generated imagery/චිත්‍රපට සඳහා භාවිතා කරන පරිඝණක දෘශ්‍ය ප්‍රයෝග) වල ආකර්ශනයම නොවේ...


ඇත්තම කිවුවොත් Plot එක ඇතුලේ "අලුත්ම" දෙයක් තිබුනේ නැහැ. විශේෂයෙන්ම ඉන්දීය ප්‍රේක්ෂකයින්ට. ආක්‍රමණයකට ලක් වන රාජධානියක්. පාලනය කරන්නේ එහි සැබෑ උරුමක්කාරයා නොවෙයි. ඊර්ෂ්‍යාකාර සොහොයුරා. වසර ගණනාවකට පස්සේ සිද්ද වන සැබෑ උරුමක්කාරයාගේ ආගමනය. අම්ම කෙනෙක්ගේ නොසැලෙන අධිෂ්ඨානය සහ බලාපොරොත්තු. කාලෙකට කලින් සිද්ද වුන දරුණු ඛේදවාචකයක්. සිදු කළ යුතුම පළිගැනීමක් සහ ජනතාවගේ වීරයෙක් බිහිවීම යනාදී වශයෙන් මේ සෑම කාරණයක්ම හුරුපුරුදු දේවල්. වෙනසකට තිබුනේ මේ සෑම සංසිද්දියක්ම ඉදිරිපත් කර තිබුනු දැවැන්ත ස්වරූපාත්මක බව. නමුත් ඊටත් වඩා කැපී පෙනෙන්නේ නිර්මාණකරුවා විසින් කතන්දරය ගෙතීමෙහි සහ පැවැසීමේදී දක්වනු ලැබූ හුරුබුහුටි බව. බාහිර අලංකරනයන් දෘශ්‍ය ප්‍රයෝග මඟින් වර්ණවත් කරවන අතරතුරදීම බොහොම සැළකිල්ලෙන් තෝරාගත් රංගන ශිල්පීන්ගේ චරිත විස්තරයන් තුලින් ඔහු මේ මායා සිදු කළා.


ඔබට මුල් කොටස මතක නම් Rajamouli විසින් Interval block එක වෙනකන්ම Baahubali කියන වීරයාව ඉදිරිපත් කලේ නැහැ. එතෙක්ම අපි දැක්කේ Shivaව විතරයි. දැවැන්ත Statue-lifting දර්ශනය තුළදී ඔබට මතක ඇති සියල්ලන්ම මහත් භක්තියකින් Shivaගෙ පියා වන Amarendra Baahubaliගෙ නම මන්ත්‍රයක් වගේ ජප කරපු හැටි. ඒ මොහොතේ ඉඳන් ප්‍රේක්ෂක අපත් Baahubali කියන අමරණීය නාමය ගැන කුතුහලයකින් යුතුව විමසන්නට පටන් ගන්නවා. බර අදින මිනිසුන් තුල හදිසියේ හටගත් වෙනසින් උපදින ගැම්මෙන් ප්‍රේක්ශක අපත් නිතැතින්ම කුල්මත් වුනා මතක ඇති. Mahishmati රාජධානියේ පහළ වූ මේ යුග පුරුෂයා කවුරුන්ද, Shiva ට ඔහුගේ තිබුනු සම්බන්ධය මොකක්ද? මේ කාරණය මතු වෙන්නේ චිත්‍රපටයේ විවේක කාලයේදී. එතකොට චිත්‍රපටය අවසනදී සියල්ල පිළිතුරු ලැබෙනවා. Shiva කියන්නේ Mahishmatiහි ඔටුනු පළන් සැබෑ චක්‍රවර්තී රජු Amarendra Baahubaliගේ පුතු හෙවත් රාජධානියේ සිහසුනේ සැබෑ උරුමක්කරු වන Mahendra Baahubali බවත් අනාවරණය කෙරෙනවා. නමුත් චිත්‍රපටයේ අවසානය තමයි CGI පැරදවූ storytelling රටාවෙහි උපරිමය වුනේ.



"Kattappa ඇයි Baahubaliව මැරුවේ???"




චිත්‍රපටය Release වෙලා අවුරුදු 2ක් ගතවෙනකන්ම හැමෝගෙම හිත්වල හොල්මන් කරපු මේ ආන්දෝලනාත්මක ගැටළුවට පිළිතුරු අරන් තමයි The Beginningහි දෙවැන්න The Conclusion කරළියට එන්නේ. මුල් චිත්‍රපටයෙන් උත්පාදනය කරපු අධික කුතුහලය නිසාමයි දෙවැන්න නැරඹීමට ලොව පුරාම අතිමහත් ප්‍රේක්ෂක පිරිසක් නොඉවසිල්ලෙන් සැදීපැහැදී සිටියේ. සිනමා කර්මාන්තයක් තුළ මෙතෙක් පිහිටුවනු ලැබූ ආදායම් වාර්ථාවන් එකින් එක සුනු විසුනු කරමින් රජ ගමනක යන්නට නිර්මාණයට හැකි වුනෙත් අර භාවිතා කරල තිබ්බ CGI හින්දා නෙවෙයි, නිර්මාණකරුවගේ ඉදිරිපත් කිරීම් රටාව නිසා බව දැන් පැහැදිලියි.



දෙවන කොටසට ආරම්භය ලැබෙන්නේ පළමු කොටස ගැන අපුරූ ආවර්ජනයක් ලැබෙන පින්තූර පෙළකින්. වසර දෙකකට පෙරදී නරඹනු ලද්දක් වුවත් ඒ මතකයන් තවමත් නැවුම් බව ඒ Open credits දර්ශනයෙන් ගම්‍ය වී තිබුනා. නුදුරේදී පැවැත්වීමට නියමිත රාජාභිෂේකයට පෙර දේෂාටන චාරිකාවක නියැලීම සඳහා රාජධානියෙන් අප්‍රකටව බැහැර යන  Amarendra Baahubali සමඟින් Kattappaa ඉන් අනතුරුව නතර වෙන්නේ Kunthala දේශයේ. මෙතනින් එහාට තමයි වර්ථමාන තත්ත්වයට වනතෙක් සිද්ද වූ සෑම දේකම ආරම්භය සනිටුහන් වෙන්නේ. මුල් කොටසේදී Shivaට Avantikaව අහම්බෙන් දකින්නට ලැබීමෙන් හටගත් ප්‍රේම රෝගය මෙතනදී ඔහුගේ පියාටත් වැළදෙන ආකාරය බොහොම සුන්දර රටාවකින් ඉදිරිපත් කරල තිබුනා. ඔබට මතක නම් Avanthikaව, ඇය සැඩ පරුශයි, රණකාමීයි, නොහික්මුන සුළුයි වගේම සුන්දරයි. ප්‍රේක්ශක අවධානය බොහෝ සෙයින් ලබා ගන්නට සමත් වන්නියක්. මෙතනදි හමුවන Devasena කුමරියත් ඒ හා සමයි. හැබැයි රාජකීයත්වයෙන් යුතු පෞරුෂයකින් ඇය අභිමානවත්ව ඉහළයි. දඟකාර Shivaගේ කපාපු පළුවක් වගේ අපිට Avanthikaව දැකගන්නට ලැබුනා වගේම, චක්‍රවර්තී රණශූරයෙක් වන Baahubali වැන්නෙක්ට හැම අතින්ම සුදුසු රණශූර කුමරියකගේ ප්‍රතිභාව අපිට Devasenaගෙන් දකින්නට පුළුවන්.





Kattappa character එකට මේ පාර විශේෂිත වූ අවධානයක් යොමු වෙනවා. බොහෝ වෙලාවට අපට සිද්ද වෙනවා Baahubaliටත් වඩා Kattappaගේ හැසිරීම් රටාව දිහා ඇහැ ගහගෙනම ඉන්න. "ඇයි Kattappa, Baahubali ව මැරුවේ?" මේ උභතෝකෝටික ගැටළුවට පිළිතුර හොයන එකනේ අපේ අරමුණ. නමුත් සෑම දර්ශනයකින්ම දකින්න ලැබෙන්නෙ තම ස්වාමියාට සෑම අතින්ම යටහත් පහත් වූ සේවකයෙක්ව. මිත්‍රයෙක්ව. පියෙක්ව. ගුරුවරයෙක්ව. ඉතින් කොහොමද එවැනි කෙනෙක්ට අර තරම් සාහසික දෙයක් කරන්නට හැකි වුනේ කියන කුතුහලය නිතැතින්ම නරඹනාගේ මනස තුළ හොල්මන් කරනවා. ඒ වගේම මුල් කොටසින් අපිට දකින්නට ලැබුනේ බොහොම Serious Kattappa කෙනෙක්ව. මෙතනදී චරිත විස්තරය තුළට බොහෝ දේ එක් කොට තිබුනා විනිවිද බවකින් යුක්ත වන ආකාරයකට. ප්‍රශ්නයට පිළිතුර ලැබෙන අවස්ථාව සහ සියල්ල සැලසුම් වන ආකාරය වෙනුවෙන් බොහොම සංවේදී රංගන වින්‍යාසයක්ද ඇතුළත් වී තිබුනා. සියල්ල මැනවින් "ලියවෙලා" තිබුනා සෑම ප්‍රේක්ෂකයෙක් තුළම දැඩි කම්පනයක් ඇති වන පරිදි. එතකොට ඒ දේවලට බලපෑවෙත් CGI තාක්ෂනය නොවෙයි.




කතා කල යුතුම අනිත් දැවැන්තම චරිත විස්තරය වෙන්නේ Sivagami හෙවත් මහරැජිනගේ භූමිකාව. මුල් කොටස තුලදිත් දෙවැන්නෙදීත් ඇගේ බලපරාක්‍රමය කතන්දරයේ Turning points හැම එකකටම වගේ බලපෑවා. මෙතනදී එහි උච්ඡතම අවස්ථාව. විශේෂයෙන්ම ඇය විසින් Amarendra Baahubaliගේ අළුත උපන් සිඟිති පුතු Mahendra Baahubali ලෙසින් සිහසුනේ සැබෑ එකම උරුමක්කරු ලෙස නම් කරන අවස්ථාව වඩාත්ම කැපී පෙනුනා. ඇගේ ඉරණම මුල් කොටස ආරම්භයේදීම අපට දැකගන්නට ලැබුනා. එතනට එන තෙක් ඇගේ ජීවන ප්‍රවෘත්තියත් විස්තරාත්මකව දෙවැන්නෙහි ඇතුලත්. කතන්දරයෙහි තීව්‍ර බව වැඩි කරන්නට ඇයගෙන් ලැබුනු දායකත්වයත් CGI වලට වඩා ඉතා ඉහළයි.



Rajamaouli වරක් මාධ්‍යයට පවසා තිබුනා මේ සෑම දෙයක්ම "කරනට හැකිවුනේ" රංගන ශිල්පී Prabhas නිසා බව. මුලු චිත්‍රපටයම තිබුනේ ඔහුගේ උර මත. චිත්‍රපටයකින් මෙතෙක් දුටු නිවැරදිම රාජකීය සෙයියාව දැක්කෙ ඔහුගෙන්. චක්‍රවර්තී රාජ පෞරුෂය, රණකාමීත්වය, පුතෙකුගේ, පියෙකුගේ, ප්‍රේමවන්තයෙකුගේ, සැමියෙකුගේ ලෙංගතු බව යනාදී වශයෙන් සෑම දෙයක්ම ඔහුගේ චරිත විස්තරයට ඇතුලත් වගේම මැනවින් ඉදිරිපත් කර තිබුනා. අතිශයින්ම දැවැන්ත චිත්‍රපටය සැබෑ ලෙසින්ම දැවැන්ත එකක් බවට පත් කලේ Prabhas නම් රංගන ශිල්පියා නිසාම මිසක් සියල්ලCGI  මත යැපුන නිසා නොවේ.


විශේෂයෙන්ම ඔහු සතුව පැවති රාජකීයත්වය තදින්ම දැනවෙන්නේ  Interval-block එකේදී එනම් රාජාභිශේකයේදී. මුලු චිත්‍රපටයෙහිම දැවැන්ත බවත් මේ දර්ශනයෙන් නිරූපණය කරල තිබුනා. සිනමා ශාලාව දෙදරා යන තරමටම බලවත් වූ මෙවැනි දර්ශනයක් වෙනත් කිසිදු චිත්‍රපටයකින් නොදුටු එකක් බවත් ඔබට හැඟේවි. "Baahubali ගොඩගියේ CGI  නිසාම නොවන බව එක හඬින් පසක් කරවූ මේ එකම දර්ශනය නිසාම, චිත්‍රපටය තව වරක් නැරඹුවට පාඩු නැහැ කියලත් හිතෙන තරමටම ආකර්ශනීයයි.






චිත්‍රපටයේ දැවැන්ත බවට බලපෑ තවත් කිහිපයක් තිබෙනවා.


*Mahishmati රාජධානියත්, Kuntala පුරවරයත් ඇතුලු සියලුම පසුතල සැකසුම් වල නිර්මාතෘ Sabu Cyril.

*විශේෂ ගෞරවයක් හිමි විය යුතු අසහාය රූපකරණය වෙනුවෙන් Senthil Kumar.

*මුලු චිත්‍රපටයෙහිම ජීවය එක මිටකට රඳවා තබා ගනිමින් ප්‍රාණවත් කළ සංගීතය වෙනුවෙන් MM Keeravani.

දැන් අපට පුලුවන් CGI ගැන කතා කරන්නට. චිත්‍රපට ද්විත්වය සඳහාම 4,500ක් පමණ වූ visual effect scenes සහ computer graphics භාවිත කර තිබෙනවා. මේ සඳහා දකුණු කොරියාව, චීනය සහ ඉන්දියාව පුරාමත් වූ Studios 17කදී, නිර්මාණකරුවන් 600කගේ දායකත්වය මේ සඳහා ලැබී තිබුනා. ඉන්දීය චිත්‍රපටයක මෙවැන්නක් සිදු වූ ප්‍රථම වතාව. නමුත් Action sequences වලදී බොහෝ තැන්වලදී සමහර විශේෂ ප්‍රයෝගයන් පාලනයකින් තොරවූ බවකුත් දකින්නට ලැබෙනවා. Live action එකක් විදිහට සමහර කොටස් CGI නිසාම unrealistic වුනාද කියලත් හිතෙනවා. නමුත් සමස්තයක් විදිහට සියල්ල පාලනය වෙන්නේ දෘශ්‍ය ප්‍රයෝග නිසාම නම් නෙවෙයි. මුලින් සඳහන් කළ සෑම කාරණයකින්ම ඒ බව තහවුරුයි.


VFX වලට වඩා නිර්මාතෘ Rajamouli විසින් සමස්ථ Baahubali journey එක පුරාම Storyteller විදිහට විශිෂ්ඨ මෙහෙවරක් ඉටු කළා කියන එක පිළිගත යුතුම කාරනයක්. Beginningහිදි Sivagami විසින් බිළිඳු Magendra Baahubaliව සැඩ ජල පහරට ඉහළින් ඔසවා තබාගෙන ආරක්ෂා කරන දර්ශනයේ සිට, Conclusionහි අවසන් සටනේ අවසන් මොහොතේදී Bhalla Deva සහ Baahubali අතර සිදු වන Epic face-off දර්ශනය දක්වා වූ සෑම දෙයක්ම අධ්‍යක්ෂක SS Rajamouli momentsවල තීව්‍රතාවයන්ම තමයි.


ඉතින් තවමත් ලොව වටා නොනවතින රජ ගමනක යන "බාහුබලී ගොඩගියේ CGI නිසාද?" කියන එක තීරණය කිරීම ඔබට භාරයි.







ලක්ෂ්මන් අරංවල

මියුsic






කොහොමද ?...අලුත් දවසක අලුත් ආරම්භයක් එක්කම  Music ගැන කතා කරන්නයි අපි ලෑස්ති වෙන්නේ...ඔබේ රසවින්දනයට වගෙම ඔබේ දැනුමටත් යමක් එකතු කරන ගමන්ම සංගීතය තුලින් ඔබව වෙනස් මානයකට රැගෙන යන්නට අපි සූදානම්. අද music ගැන කතා කරන දෙවෙනි දවස...පසුගිය දවසෙ අපි  Music ගැන කතා කලෙ ඔබට යමක් සිතන්නට ඉතිරි කරමින්... ඒ වගේම ඉදිරියේදී මෙ Music ගැන හොයාගෙන යන ගමනෙ පෙරදිග අපරදිග වගේම අපෙ දේශීය ජන සංගීතය ගැන කතා කරන්න...ඒ ගැන ඔබට කියන්න අපි සූදානම් ,,,,

ඩෙංගු මාරාන්තිකයි... ප්‍රවේසම් වන්න. දැනුවත් කරන්න.





ඩෙංගු උණ මේ දිනවල නිරන්තරයෙන් කතා බහට ලක්වන අසන්නට ලැබෙන මාතෘකාවක්. දිවයින පුරා වාර්තා වන ආසාධිත රෝගීන් සංඛ්‍යාව දිනෙන් දින ඉහළ යන අතර මෙය ළදරුවාගේ සිට වයෝවෘද පුද්ගලයා දක්වා අසධනයට ලන්ක්වන රෝගී තත්වයකි. මුල් අවධියේදීම මෙම රෝගී තත්වය හඳුනාගෙන නිසි ප්‍රතිකාර සඳහා යොමු නොවුනහොත් විවධ සංකුලතා ඇතිවිය හැකි අතර මරණයට පවා ගොදුරු විය හැක. මෙම නිසා ඩෙංගු රෝගී තත්වය පිළිබඳව සියලු දෙනා නිසියාකාරව දැනුවත් වී සිටීම අත්‍යවශ්‍යය. මෙම ලිපිය මගින් ඩෙංගු රෝගය පිලිබඳ ඔබගේ අවධානයට බදුන් විය යුතු වැදගත් කරුණු රැසක් ඉදිරිපත් කිරීමට බලාපොරොත්තු වෙමි.

Kitchen එක





කවුද ආස නැත්තේ දැල්ලෝ කන්න.


ඒ නිසා අද අපි කතාකරන්න යන්නේ රසවත් බටර්ඩ් කට්ල්ෆිෂ් සමඟ කටට සැර මැයෝනේස්  එකක් පිළිගන්වන ආකාරය. හොඳ හෝටල් වල නිතරම වගේ ඉල්ලන කෑමක් තමයි මේ බටර්ඩ් කට්ල්ෆිෂ් කියන්නේ.

වීගන් විය යුත්තේ ඇයි?




සතුන් වෙනුවෙන්


සත්ව​ හිංසනයට එරෙහි වීම හා එය හැකිතාක් වැලැක්වීමට උත්සාහ කිරීම වීගන් වීමෙහි එකම අරමුණ නොවන නමුත් ප්‍රධානම හා බොහෝ දෙනාට ගෝචර වන්නා වු අරමුණ මෙයයි.

ගීත රසවින්දනය





ගීතය සංගීතය නැමති විෂය ක්ෂේත්‍රය  නැමති කුඩාම නමුත් ජනප්‍රියම ශාඛාවායි. ගීත ක්ශේත්‍රයෙහි ගී පද රචනාව යනු ගීයේ ප්‍රාණයයි. විවිධ ගී පද රචනාවන් ගී ක්ශෙත්‍රය හමුවේ විවිධ වූ තේමාවන්ට අනුගතව ඒවා රචනාවී තිබේ. ගීතයේ භාවිතය වන්නෙ එය හුදු වචන හරබයක් නොව සාහිත්‍යමය ගුනයන්ගෙ ඔපවත්ව  නිසි කවිතවයෙන් පිහිටන විටදීය. එය කවිතා යනුවෙන් හැදින්වේ.

Fashion



විලාසිතා, එසේත් නැතහොත් fashion යන මාතෘකාව දිනෙන් දින යාවත්කාලීන වන මාතෘකාවක් බව ඔබත් මමත් හොදින් දන්නා කරුණකි. එමෙන්ම විලාසිතාව ලොව තුළ දිනෙන් දින පුවත් මවන මාතෘකාවක්ද වී හමාරය. ආසියාතිකයන් වන අප නව විලාසිතා පිළිබද යාවත්කාලීන වීම යම් තාක් දුරට ප්‍රමාද වුවත් ලොව අනෙකුත් රටවල, විශේෂයෙන් යුරෝපානු, ඇමරිකානු සහ ලතින් ඇමරිකානු රටවල විලාසිතව ඔවුන්ගේ සමාජය තුල දිවෙනා ප්‍රබල අංගයකි. එම රටවල පවතින සෘතු බේදයත් සමග දිනෙන් දින ඔවුන් ගේ විලාසිතා ද ඒ හා පවතින වර්ණ ද වෙනස් වෙමින් ඉදිරියට යයි.

ලොව පුරා ශීග්‍රයෙන් පැතිර යන දැවැන්ත ransomware ප්‍රහාරයේ සම්පූර්ණ විස්තරය හා එයින් ඔබේ පරිගණකය ආරක්ෂා කරගැනීමට ගතයුතු පියවර




ඉතිහාසය පුරාවටම සිදුවූ විශාලතම සයිබර් ප්‍රහාරවලින් එකක් ලෙස සැලකෙන Wannacry Ransomeware එකෙහි බලපෑම Windows මෙහෙයුම් පද්ධතිය සහිත පරිගණකවලට බලපෑමට ලක්වුනා. පසුගිය සිකුරාදා දිනයේ ආරම්භ වූ මෙහි ව්‍යාප්තිය ඉතා වේගයෙන් ලොවපුරා රටවල් සියයක පමණ පරිගණක වල ක්‍රියාකාරිත්වය අත්පත් කරගැනීමට සමත් උනා.

දියවැඩියාව වළක්වාගන්නේ කෙසේද?



දියවැඩියා රෝගය පිලිබදව පුර ලිපි තුනක් මගින් විවිධ කරුණු සාකච්චා කරනු ලැබුවා. සාරාංශයක් ලෙස ගත හොත්. දියවැඩියා රෝගය යනු කුමක්ද? එහි විවධ ආකාර, රෝග විනිශ්චය සහ විවිධ පරීක්ෂණ, අහාර හා ව්‍යායාම මගින් රෝගය පාලනය කරගන්න ආකාරය සාකච්චා කරනු ලැබුවා. ඉහත ලිපි මගින් ප්‍රධානවම අවධානය යොමු කරනු ලැබුවේ දියවැඩියා රෝගය සහ රෝගීන් ට වැදගත්වන කරුණු පිළිබඳවයි එනම් රෝග පාලනය කරගැනීම පිළිබඳවයි. මෙම අවසන් ලිපිය මගින් රෝගීන්ට පමණක් නොව නිරෝගී පුද්ගලයන්ට පවා වැදගත්වන කරුණක් සාකච්චා කරමු. එනම් රෝග වලක්වා ගැනීම පිළිබඳව. වෛද්‍ය විද්‍යාවේ සැමදාමත් ඉහලින් පිළිගනු ලබන කියමනක් තිබෙනවා,

වෙන්වීමට අවශ්‍ය වූවත් වෙන් නොකරන ලංකාවේ දික්කසාද නීතිය






‘දෙවියන් විසින් එක්කළ දෑ මිනිසුන් විසින් වෙන් නොකළ යුතුය‘ යන්න පිළිගත්,  කතෝලික දහමේ ආභාෂය තුළ බිහිවන ඉංග්‍රිසි දික්කසාදය පිළිබද නීතිය, මෙරට දික්කසාදය පිළිබද නීතිය ගොඩනැගීම කෙරේ ද බලපැවැත්වීය. මෙරට අද පවත්නා ලිඛිත නීතින් රැසක මූලාරම්භය යටත්විජිත සම‍යේදී සිදුවන අතර විවාහ නීතිය ද එසේමය. දැනට විවාහ හා දික්කසාද සම්බන්ධයන් බලපවත්වන නීතිය වනුයේ 1907 අංක 19 දරන සාමාන්‍ය විවාහ ආඥා පනතයි. (උඩරට හා මුස්ලිම් පිරිස් පිළිවෙලින් උඩරට විවාහ හා දික්කසාද ආඥා පනත හා මුස්ලිම් විවාහ හා දික්කසාද ආඥා පනත යටතේ පාලනය වේ. ඔවුන් හැරැණු විට සෙසු පිරිස් සඳහා පමණක් මෙය යෙදේ. මෙම ලිපියේදී මේ පිළිබදව පමණක් අවධානය යොමු කරයි. )

ලෝකය වටේ

                                                            මැක්‍රෝන් (getty)


පසුගිය සති දෙක තුළ ලෝක දේශපාලනයේ වැදගත් සිදුවීම් අතර වැදගත් සිදුවීම් කිහිපයක් වූයේ ප්‍රංශ ජනාධිපතිවරණය​, ඇමරිකාවේ FBI ආයතනයේ අධ්‍යක්ෂක ජේම්ස් කොමේ ධූරයෙන් පහ කිරීම සහ දකුණු කොරියානු ජනාධිපතිවරණය යි.

රෙස්ලින් ගැන දැනගනිමු



කොහොමද කට්ටියට? ද්විමාසික සගරාවක් වන "කතුරු ඔන්චිල්ලාව" මෙවර කලාපය තුලින් අපි පාඨක ඔබ වෙනුවෙන් අලුතෙන්ම පටන් ගත්තු ලිපි මාලාවක ආරම්භය තමයි මේ.. විශේෂයෙන් සගරාව කියවන පාඨකයින් අතුරින් "Pro Wrestling" ගැන වැඩි උනන්දුවක් දක්වන පාඨකයින්ට සහ සෑම අංශයක් සම්භන්දයෙන්ම තමන්ගේ දැනුම පුළුල් කරගැනීමට කැමති පාඨක ඔබ සැමට කරන ආරාධනයයි.. එක්වන්න! දැනගන්න !

කතුවැකිය




"කතුරු ඔංචිල්ලාව" සඟරාව සෑම මසකම 1 වැනිදා සහ 15 වැනිදා නිකුත් වේ. සඟරාව ආරම්භ කර මාසයක පමණ කෙටි කාලයක් පමණක් ගත වී තිබුනද මේ වන විටත් දසදෙසින් අපහට සුභ පැතුම් ගලා එමින් පවතී. හොඳ අරමුණක් සහිතව තරුණ තරුණියන් බොහෝ ප්‍රමාණයකගේ දායකත්වයෙන් සිදුකරන අපගේ මෙම කර්තව්‍යයෙන් සමාජයට හොඳ යමක් දීමට මේ වනවිටත් අප සමත්ව ඇති බව සතුටින් ප්‍රකාශ කරමු. පාඨක ප්‍රතිචාර එයට හොඳම සාක්ෂිය වේ. අපගේ සඟරාව වෙනුවෙන් ෆේස්බුක් පිටුවක්ද නිර්මාණය කල අතර එයටද ලයිකුවක් දමා දින කිහිපයකට වතාවක් හෝ එහි ඇති පෝස්ට් බලන මෙන් සුහද ආරාධනාවක්ද කරන්නට කැමැත්තෙමු. අද දිනයේදී (1) අපගේ සඟරාවේ තිබෙන ලිපි පහත දැක්වේ. ඔබ සියලුම ලිපි කියවා දැනුමක්, රසවින්දයක් ලබා ගනු ඇතියි බලාපොරොත්තු වෙමු. අප සඟරාව පිලිබඳ ඔබගේ අදහස් හා යෝජනා එවන මෙන්ද ඉල්ලීමක් කරමු.


1. කතුවැකිය
2. බොලිවුඩය
3. මියුsic
4. ලසා එක්ක ජීවිතේ
5. Time Lapse එක්ක mind bend වෙමු
6. නවකතා මංසල
7. Kitchen එක
8. ලෝකය වටේ
9. සබඳ - දිනපතා පුවත්
10. වැරැද්ද සහ වැරදිලාවත් නොවරදුන මිනිස්සු!
11. දියවැඩියාව - 3 කොටස
12. පේටන්ට් බලපත්‍රය ගැන දැනගනිමු
13. නවලොව - Samsung Galaxy S8 සහ S8 plus
14. 2017 රෙස්ල්මේනියා ඉසව්වේ ජයග්‍රාහකයින්
15. 2017 IPL තරඟාවලියේ සියළුම කණ්ඩායම් පිලිබඳ විස්තරාත්මක විචාරයක්

බොලිවුඩය

ධර්මා පවුලේ අලුත් අමුත්තන්




ඉන්දියාවේ සුප්‍රසිද්ද චිත්‍රපට අධ්‍යක්ෂකවරයෙක් සහ ධර්මා චිත්‍රපට සමාගමේ අයිතිකරු වන කරන් ජෝහර් පියෙක් වීමේ ප්‍රවෘත්තිය පසු ගිය සති කිහිපයේ බොලිවුඩය පුරා බෙහෙවින් කතා බහට ලක් වුනු පුවතක්. ලංකාවට ටිකක් අලුත් දෙයක් වෙන නව තාක්ෂණික ක්‍රමවේදයක් හරහා උපත ලැබූ මේ දරු දෙදෙනා යාශ් සහ රූහි ජෝහර් විදියට තමා නම් තැබුනේ. තනිකඩ දෙමාපිය සංකල්පය ලංකාවේ නැතත් ඉන්දියාවේ එය බෙහෙවින් ප්‍රචලිතයි. කොහොම වුනත් සිනමා කර්මාන්තයේ නියැලෙන බොහෝ  දෙනා කරන් ජෝහර්ට උණුසුම් සුබ පැතුම් එකතු කරලා තිබ්බා.

මියුsic




ඔබ බොහෝ සෙයින් කාර්යබහුල විය හැකිය, මේ මොහොතේ පයින් හෝ වාහනයකින් හෝ කුමක් හෝ දෙයකට එහෙ මෙහෙ දුවනවා විය හැකිය. හිසේ තිබෙන ප්‍රශ්න වලට උදේ ඉඳන් රාත්‍රි වෙනකල් උත්තර හොයනව වෙන්නත් පුලුවන්. ඒ වගෙ වෙලාවක ඉඩකඩ ලැබෙන පොඩි වෙලාවක හරි අපි කරන්නේ වාහනයක නම් රේඩියෝව ක්‍රියාත්මක කරනවා.නැත්නම් පොදු ප්‍රවහන සේවයකදි නම් Handfree කනේ රඳවා ගන්නවා...නැත්නම් රියැදුරු මහතාගෙ රසවින්දනය අපහසුවෙන් හරි ටික වෙලාවකට අපේ කර ගන්නවා.....ඒත් ඇත්තටම Music කියන්නෙ සින්දු විතරමද.....?


ලසා එක්ක ජීවිතේ

උත්සහවන්තයා ජය නොගනී





දුක හිතේ හිර කරගෙන ඉන්න උඹ ඇත්තටම පරාජිතයෙක්..ඔයා දන්නවද දරුවො ප්‍රසිද්ධ කියමනක්...

++නුඹ සිනහසෙන කල් හී ලෝකය නුඹ සමඟ සිනාසෙයි++

++නුඹ වැලපෙන කල් හී ලෝකය නුඹ අතහැර සිනාසෙයි++


        හැමදවසකම නව සොයාගැනීම් බිහිවෙනවා..ඒවා කරන්නෙත් මිනිස්සු...බලපන් උඹේ දිහා...හැම දවසක්ම උඹට එක වගේ...අලුත්  බලාපොරොත්තු නෑ...

Time Lapse එක්ක Mind bend වෙමු





Time travelling කියන්නේ චිත්‍රපට නරඹන හැමෝගෙම ඉහළම ප්‍රේක්ෂක ප්‍රතිචාර දිනාගන්නා වර්ගීකරණයක්.

නවකතා මංසල

ඇසල අහසේ පෑයූ රාමලාන් සඳවතිය - 3 කොටස 






පන්තිය ඉවර වි අරවින්ද් ඇසල ලහිරු එලියට ආවේ කඩයකට ගොස් කන්නය..එහෙත් ගැහැනු ලමයෙකුගේ කටහඩ ඇසි ඇසල හැරි බැලුවා..ඒ මින්මා ය..


" අන්න ඇසලයා උඹගේ කෙල්ල කතා කරනවා " ලහිරු කතා කලා..

" පිස්සු ද යකෝ මින්මා මගේ කෙල්ල නෙවෙි අපේ අම්මාගේ අක්කාගේ දුව "

" ඉතින් බං නැනා අයිති මස්සිනාට නේ "

Kitchen එක

චොකලට් සමෝසා 




අවශ්‍ය දේවල්


  • පාන් පිටි කෝප්ප 3
  • බටර් හෝ මාගරින් තේ හෑදි 4 
  • වතූර කෝප්ප 1 1/4
  • ලුනු තේ හෑදි 1 1/2
  • කුකින් චොකලට් ග්රෑම් 250
  • තෙල් මිලි ලීටර් 350 

ලෝකය වටේ

අප ජීවත් වන රටෙන් එහා ලෝකයේ බොහෝ දේ සිදු වෙමින් පැවතුනත් ලංකාවේ මාධ්‍ය ඒ සඳහා යොදවන අවදානය සාපේක්ෂව බොහොම අඩුයි. ඒ නිසා අප හිතුවා ඒ ගැනත් ටිකක් වැඩි අවධානයක් යොමු කරන්නට​. පසුගිය සති දෙක තුළ විදෙස් විත්ති අතුරින් වැදගත්ම යයි අප අදහස් කෙරෙන සිද්ධි කිහිපයක් දෙස හැරී බැලීමයි මෙම ලිපියේ අරමුණ​.
                                                    මාක් රුට් world economic forum

සබඳ - දිනපතා පුවත්

ආයුබෝවන්, ඔබ මේ එක්වන්නේ දිනපතා පුවත් විකාශයත් සමඟයි.

අඹලන්තයේ පාලන තන්ත්‍රයේ පාලකයින් කිහිපෙදෙනකුගේම ජන්මදිනය අද (1) දිනට යෙදී තිබෙනවා. මේ නිමිත්තෙන් ඉතා විශාල සාදයක් ජනතාවගේ වියදමින් පැවැත්වූයේ දූපත හෝටලයේදීය. මේ පිළිබඳව අප ගෙන එන විශේෂාංගය ප්‍රවෘත්ති විකාශයෙන් පසුව බලාපොරොත්තු වන්න.



වැරැද්ද සහ වැරදිලාවත් නොවැරදුන මිනිස්සු!





අපි අතින් අනන්තවත් වැරැදි වෙනවා කියන එක ඔබට මට අලුතෙන් පැහැදිලි කරගන්න ඕන දෙයක් නෙවෙයිනේ. සාමාන්‍ය  මනුශ්‍යයෙක්  විදියට පොඩි පොඩි අතපසුවීම් , වැරදි සිදුවීම සාමාන්‍යයි. ඒත් අපි මේ ගතකරමින් ඉන්න සමාජ පරිච්ඡේදය , එකිනෙකාගේ වැරදිවලට හිනහා වෙමින්, අපහාසකරමින්  ඉන්න කාලයක් කියන හැඟීමක් මට දැනුණා.

දියවැඩියාව - (Diabetes) 3 කොටස

දියවැඩියාව ආහාර සහ ව්‍යායාම





පසුගිය ලිපියෙන් අප දියවැඩියාව හදුනා ගන්නා ආකාරය පිලිබදව සාකච්චා කළා. මෙම ලිපිය මගින් අප දියවැඩියා රෝගීන් විසින් පිළිපැදිය යුතු අහාර සහ ව්‍යායාම පිලිබදව අවදානය යොමු කරමු. වර්තමානයේ වෛද්‍ය විද්‍යාව තුල තවමත් දියවැඩියාව නිට්ටාවටම සුව කල නොහැකි වුවත් සාර්ථකව පාලනය කර ගත හැකි ඖෂධ බොහොමයක් පවතී.

පේටන්ට් බලපත්‍රය ගැන දැනගනිමු



‘නව උත්පාදක බලපත්‍රයක්‘ හෙවත් අපිට හුරැ පුරැදු වචනය තමා ‘පේටන්ට්‘ කියන්නේ.. පේටනට් බලපත්‍රයක් සරලවම නිර්වචනය කල හැක්කේ නව නිපයුමකට රජය විසින් ලබා දෙන අනන්‍ය බුද්ධිමය දේපල අයිතියක් ලෙසයි.

නවලොව



Samsung සමාගමෙන් දුරකතනයකට ඇතලත් කල නවීනතම ගුණාංගයන් සහිත සුපිරි ජංගම දුරකතනයක් වෙන Samsung S8 පහු ගිය දිනෙක ලෝකෙට ප්‍රසිද්ධ කළා. මෙහි ඇති සමහර ගුණාංග Android දුරකතන වලට ආදරය කරන පමණක් නොව ඇපල් දුරකථන පාවිච්චි කරන්නන්ගේද හිත වශී කිරීමට සමත් වෙලා තියෙනවා. High End specification හා  ආකර්ශනීය පෙනුමකින් නිකුත් වේන මේ දුරකථනය Galaxy S8 හා Galaxy S8 Plus යන මාදිලි දෙකෙන්ම වෙළඳපොලට නිකුත් වීමට නියමිතයි.